خضره وفرحانه وبهيه

حلوه يا بلدى وغاليه عليه

شافت أهوال وأسيه 
ولساها كدا زى ما هيا
لسا الناس .. هيا الناس 
كلها طيبه ونبض وإحساس 
تدى لوطنها كتير إخلاص
والحب كمان والحنيه
يجيبوها كدا ويودوها
على طولة بالها حسدوها
مهما يحاولوا يهدوها
برعاية الله .. محميه
ويكيدوا فيها كمان وكمان
محفوظه بلدنا بالإيمان 
واللى حافظهالنا الرحمن
وناس ياما متوضيه
ناس فقرا لكنها صابره
على لقمة عيشها ومهابره
ويقولوا الأزمه دى عابره
لو قاعده كتير مستنيه
وشباب طيب ومش فاجر 
وكتير منهم وبيهاجر
يزرع يصنع ويتاجر
سفرا ف الدول الغربيه 
شيوخ ستات رجاله
عايشين .. على تلك الحاله
مايحبوا يعيشوا كدا عواله
ونفوسهم حره أبيه
فقيره .. وبيحبوها
ولا بالملايين يسيبوها 
يشكوا .. ولا بيسبوها
ويفرحوا عالم .. غبيه
خضره وفرحانه وبهيه 
حلوه يابلدى وغاليه عليه