كل يوم بيبان حاجات 
اكتر واصعب م اللي فات
كل يوم نصحي ونبات
علي دمعة نازلة من سكات
متصبرين بحلم طاير
متعودين علي الاهات
جوه في قلوبنا حاجات كتير
مدفونه وسط الذكريات 
ويا خوفي يجي يوم علينا
نلاقي حتي الحلم مات 
نلاقي من كانوا في ايدينا
مشيو وصبحوا ذكريات 
كل يوم نصحي نقول 
ان اللي جي احسن كتير
ويجي بكره وبعد بكره
من لاقي غير سوء الضمير
مستنين فرحة في حياتنا 
عايشين علي حبة امل
خايفين ليوم يصبح سكاتنا
ملازم حياتنا للأجل 
طب نعمل ايه في سنين معانده
عايشينها بس بالمناهده 
ولو حد قالنا كذابين 
دموع عنينا علينا شاهده
عارفين ايه هو المرار
انه يكون حواليك كتير
ووسطهم عايش وحيد
وان قلبك كله خير 
والشر ليك عمال يزيد
وانك تكون مجروح بتنزف
ولازم تبان مبسوط سعيد
ممنوع تقول لاء وكفاية 
ولا حتي تعرف ايه الحكاية 
متغمي عينك وحاضر وبس
وتتحمل لحد النهاية 
عادي بقي فرحان حزين 
مش فارقة عندهم انت مين
المهم متقولش لاء
وتعيش عشانهم طول السنين
وسنين تعدي سنين تفوت 
تصرخ ما تصرخ مش لاقي صوت
ولا حد سامع ولا حد حاسس
ما تحس منهم غير البرود 
وما دمت طبيب 
تبقي في ايدهم زي لعبة
يتسلوا بيها ويلعبوا
وتعيش ما بينهم عيشة صعبة
امتي يحسوا بقلب قرب ع الوقوف
ويعرفوا ان القلوب مليانه خوف
امتي تحسوا يابشر
ما كفاية بقا كلمة ظروف