ايامي في قربك ياحبيبي بتفوت ساعات وفي بعدك بتفوت سنين
والليل بعد ماكان بيطول عليآ بيفوت في حضنك ثواني ونسيت الأنين
يااجمل حب حبيته في حياتي ياللي عمري ابتدا وياك
حبي ليك وعمري وهبتهولك ومش خساره فيك وروحي ياحبيبي فداك
دا الهنا والفرح كله عيشتهولي ياحبيبي واحلي ايام غرامي قضيتها معاك
وعلي قد حبي ياحبيبي وشوقي وحنيني ليك
علي قد خوفي ولهفتي عليك
ومن كتر حبي الهواجس مخوفاني ممكن يجي يوم واتحرم منك ومش الاقيك
واعيش في نار وعذاب اللي باقي من عمري وينطفي نور عنيا 
وتغيب شمس حياتي اللي منوره ياحبيبي بيك
احساسي وخوفي عليك مخليني مهما أشرب من حبك وحنانك باحس اني دايماً ليك عطشان
ونفسي اللي فات من عمري من قبل ماشوفك يرجع بيا ويرجع معاه من اول تاني الزمان
وكل يوم عدي عليا واحنا مش سوا يتمحي من كتاب حياتي وذكرياتي
ماهوكل السنين اللي عيشتها من قبل منك مرت عليا من غير ماشوف فيها يوم سعيد
وياما سهرت الليالي وانا باشكي للقمر والنجوم من غيابك ياأغلي حبيب
وكان نفسي اعيش الحب والعشق والغرام معاك وتبقي العمر كله ليآ قريب
ولما جيت ياحبيبي وعيني حضنت عنيك غيرت كل حياتي
عيشت كل احلامي واتحققت معاك آمالي وأمنياتي
ماهو انا ياحبيبي وانا بين ايديك باعيش هيمان وتايه في سحر عنيك
ومابقيتش عايز من الدنيا الكبيره حاجه الآ انت ياكل عمري ودنيتي
وياكل الحب والحنان ياملاك هنايا وسعادتي وفرحتي
ولو يفوتني العالم كله بس تفضل انت جنبي كفايه ياحبيبي عليآ
ولو وهبتك روحي وفديتك بعمري برضوا عليك ياروحي شويآ
ياللي عشقتك بكياني وكل مشاعري واحاسيسي عايشه بيك ومدفيآ قلبي ايديك
وكل حته في جسمي بتعشقك وبتحبك ودايبه فيك وبتناديك
دانا ياحبيبي حبي لك حب من نوع آخر ولسه جديد
ماانكتب ولا إنحكي عنه حتي في كتب الأساطير
يانبض غالي ودفا قلبي وكل الأماني والأمان
يادوا جروحي ياللي اسمك مكتوب في جسمي بشرايني وبتنطق بيه دقات قلبي من زمان
حبي ليك حب بين العاشقين ماله مثيل
وبين كل الخلايق والأحبه زيه تاني مستحيل