خلفت وعدك ياحبيبي ليه ومين علمك الأسيه
قولت جاي في العيد وماجيتش وآسيت ليه عليآ
سبتني وحيده في ليلة العيد انا وأفكاري وذكرياتي معاك
وفضلت انا وقلبي نتألم وليل نهار بافكر ومش قادره انساك
وشوقي نار بتحرق قلبي وبتحرق كمان حشايا
وبغيابك عني غابت شمس نهاري وغابت فرحتي اللي كانت جوايا
وعدتني فرحتني ياحبيبي بلحظات انتظاري الجميله وكان عندي احلي عيد
وليل ونهار باعد الثواني والساعات ورايحه جايه هنا وهناك وگان قلبي سعيد
لو كنت غاليه عليك زي ماانت عليآ غالي
ولو شوفت لهفة قلبي وحيرتي وانشغالي
كنت ياحبيبي جيت وماهونتش عليك
وكانت كملت فرحة قلبي وفرحة العيد بيك
وكان هواك نساني عذاب الليالي أيام الغربه وفرحت قلوبنا
وكان غرامك ياللي واحشني خلآ الفرحه فرحتين فرحة العيد وفرحة حُبنا
دانا من فرحتي بيك كنت زي الطير وقلبي گان فرحان وطاير في السما
وكان حناني وشوقي ليك مهنيني ومخليني اغني لعنيك
والغرام كنت حساه وكان مفرحني ياحبيبي لما بافتكر لمسة ايديك
ليه خلفت وعدك وليه تخليني اشوف الناس حواليا سعيده بالعيد الآ انا
رسمت احلام كتيره كنت باتمناها معاك ولما وعدتني فرحت وعشتها
وفضلت سهرانه استناك ليالي وليالي وآسيت عليآ وخلفتها
ليه خليت العيد يعدي عليآ وقلبي بايت حزين بيشكي
ودمعتي علي الخد بتجري ولهيب شوقي وحنيني خلاَّ الفؤاد يبكي
وذكرياتي الحلوه معاك بتفكرني بقسوة الأيام والسنين
حتي روحي لقيتها بتبكي وهي عايشه جوه روحك علشاني وبتشكي الأهات والأنين
واتبخرت حكاية غرامي لليله عيشت استناها ليالي وليالي
وصبحت حكاوي بين عوازلي وحسادي ياشاغل بالي
لمآ وعدتني ياحبيبي فرحتي بانت عليآ والكل شاف في عنيآ إشتياقي
وحنيني
ولما ترجع وتجيني مش هصدقك ولا هصدق كل حكايتك
مهما كانت ومهما كانت غصب عنك برضوا مش هسامحك
كفايه دمعتي في ليلة العيد وانت عني بعيد وانحرمت فيها من ابتسامتك