يرضيك ياظالم تظلمني وتظلم حبي وهوايآ
وانت لابترحم قلبي ولاحاسس بالنار جوايآ
ومن كتر شوقي وحنيني إليك بتحرق النار حشايآ
دآنا لمآ حبيت حبيتك بإخلآص وبقيت كل شيء ليآ
حتي النجوم حست بنار حبي وبالشوق اللي في عنيآ
وف سماها ياحبيبي غارت منك كتير عليآ
وراحت تبكي للقمر وتحكيله عن نار حبي
مستغربه من حنيتي وكُتر شوقي وحنين قلبي
وانت ولآ يوم حسيت بيآ ولآحس قلبي يوم بعطفك
وإنخدعت في حب غيري لمآ جريت وراه وإديته قلبك.
وبعد ماعانيت منه ومن عذاب حبه وسقاك گاس المرار
جرحك وراح لغيرك وسابك تعاني الألم وساب قلبك يحتار
جاي تبكيلي وطالب من قلبي العفو والسماح
وندمان ع اللي عملته فيآ وسببتهولي من جراح
ازاي ياقاسي تجني علي قلبي وعاوزه ينسي ويصدقك
اللي راح راح بعد وفآ قلبي في حبه وغدرك
تاب عن الحب والهوى قلبي من كُتر ماشاف منك
وكتم ظلمك وقسوتك جواه من غير حتي مايبوح
راجع تاني تفكره بيك وباللي جراله من جروح
وجاي ف عنيك الدموع عاوزه يرجعلك تاني
نسيت هجرك وصدك واللي عملته فيه ياأناني
إن كان عليآ وعلي عزة نفسي وطوول صبري
اخترت أنا وقلبي اعيش وحدي اللي باقي من عمري
وقلبي المجروح من جفاك اتعود علي هجرك وبعدك
وقدر ينساك ونسيت معاه دموعي وسهر الليالي وسنين عشرتي
فاكر ياقاسي وانا ف عز إشتياقي وبتمني ليالي هواك
وانت تقسي عليآ وتقتل جوايآ فرحتي
خليتني اندم علي حنيني اللي كان بياخدني ليك
وكرهت الليالي اللي سالت ع الخد فيها دمعتي
وكرهت قلبي اللي كان بيحنلك ورغم قسوتك بيتمني ودادك
وانت قاسي عليه وياما اشتكي فؤآدي وحن لوصالك
ولما كنت تجيني كان يقابلك بشوقه وتخدعني جوايآ فرحتي
وآجي علي نفسي واداري عنك مراري وشكوتي
تعالي إبكي لقلبي اللي يامآ ظلمته وإترجاه
وخليه يشوف دموعك واطلب منه كمان رضاه
ماهو ياما جالك واتوسل اليك واترجاك
وياما قاسيت عليه وظلمته وكان ساعتها بيتمني رضاك
يمكن تقدر تنسيه سنين عذابه وضناه
وتداوي جراحه وتخفف ألآمه وشقاه
وبعد ماهان عليك جرحه كتير زمان
يمكن تقدر تخليه يفرح وينسي العذاب الآن
وعنيآ تنسي ليالي الدموع لما تشوف دموع الندم ف عنيك
وتوعدها من تاني بالأفراح وتوفي العهد اللي كان عليك
يمكن قلبي ينسي اللي جراله منك
وغصب عني يرجع تاني ويسامحك