بزغ القمر / يعنى الامل أتى
جايب معاه السهر / وفرحه لدنياتى
والعشق بينا حضر /ونُلت انا غاياتى
والموج كأنه مطر / دايب ف ضحكاتى
شايفه حبيبى ف سفينه / والقلب رايح له
وفرحه جوه ف عنينا / والحضن مفتوح لُه
ومهما هايغيب علينا / أشواقى بتروح لُه
ياموج اهدى ورسينا / بهمس الحب راح ابوح له
لُقانا راح يبقى عيد / لما الحبيب يرجع
والكون يصبح سعيد / وبعشقنا نشبع
ياقلبى كفى تنهيد / يانور القمر المع
ياحب سكن الوريد / ياشمع فرحنا اولع