الحلوين مبيستنوش
والوحشين قاعدين بالكوم
يكفينا شر عالم بوشوش
كالحه وتملا القلب هموم
والشر كتير وبيكتر 
والموت بياخد الحلوين 
والوحشين بقوا هما الأكتر 
راح واحد ييجولنا اتنين 
ياستار ياحفيظ
من عالم غاويين الشر 
تحرقلك دمك وتغيظ
بقصايد فبها سب وقر
تنزل تحت وتطلع فوق
وتعدى من هنا وهناك
هيصادفك قليل الزوق 
واللى بيخطط لأزاك
والمناهده والمعانده 
ومحدش لاحق ياخد نفسه
هاتلى واحد ف الزمانده 
بيفضل أخوه على نفسه
قرفنا خلاص ياعبد العاطى
وغلبنا فطبايع الناس
تمشى خطوه يقابلك واطى
ومعادش خلاص فيه إخلاص
حزين ياللى طول عمرك 
عايش وسط عالم مجانين
ودا أمر الله مش أمرك
هتروح من قدرك فين