وبنظره حب وحنيه
أمروني عنيه الحلويين
أمروني أحبه وأهواه
وادوب في غرامه وهواه
وبحبه لقيتهم شغلوني
ولأجمل عشق خدوني
ولقيت هواه دوبني
وخدني لغرامه وتوهني
وقلبي مليان شوق وحنين 
وگإنه فقلبي بقالوا سنين
نساني آهاتي وأنيني
وفرح أيامي وسنيني
وآه من الهوي واللي يصيبه
لماَّ القلب يلاقي نصيبه
ويسكن جواه وما يسيبه
ويِّطَوِلّْ عمره وسنينه
ويِفّْرَحّْ ويآه بأيامه
ويحس معاه بشبابه
الله علي الحب وعمايله
بِيّفَتَحّْ الورد في جناينه
وكل الناس تبقي حبايبه
وعيونه انا وقلبي سرقوني
ولقيتهم علي طول ملكوني
ومن يومها عايشين ويايا
وساكنين في قلبي وحشايا
وآه لوشوفتوا مره عيونوا
ماكنتوا يوم ليآ تلوموا
ماهو قلبي ياعاشقين گان من قبله
بيشكي من العِّلّْه طول عُمره
والنار في شفايفوا هي دوايا
هتشفيه من العلة وينهار جوايا
وهيسعدني بقربوا ويهنيني
وحضنه الدافي هيدفيني
والورد علي خده مفتح
ويوماتي بنوره هيصبح
وما فارق طيفه من يومها خيالي
ولا غاب عن فكري ولا عن بالي
ما انا ياما ليالي سهرت اناجيه
ولل الليل والقمر لغيابه اشكيه
أمرني الحب أعيش وياه
وأهيم طول عمري في هواه
وف لحظه لقيتني حبيته
وگإنه گان حلم ولقيته
معرفش ازاي حبه ده جاني
مش يمكن گان حاسس حالي
ماهو ياما قلبي گان مستنيه
وبشوقه وحنانه يرويه
وجمعتنا أقدرنا إحنا الإتنين
من نظرة حنيه بأجمل عين 
واللُّولي بين شفايفوا صفين
ولقيته في طريق الهوا واخدني
وهواه ملك قلبي وجنن عقلي
وفلحظه انكتبلي وبقي حبي 
ورضي عليك الزمان ياقلبي
لما الحب والهوا والغرام جالك
وگان اجمل قدر بالنسبالك
والسعد جاني بعد ماطال الغياب
ونسيت بلقاه ألم حياتي والعذاب
من نظرة حنيه شافتها عنيآ في عينه
ولقيت روحي قبل قلبي مغرمه بيه
حسيت گإني طير وطاير في السما
وباتمني اعيش انا وحبيب عمري سوا
والفرحه لقيتها سبقاني
والنظره لقيتها بتحييني
وبتحضن عنيا بشوق وحنان
بتقولي تعالي اعوضك الحرمان
وسلمت امري لهواه والفرحه في عنيآ
وشوفت كل الناس عشاق من حواليآ
وحاسدني علي حب حبيبي ليآ
والمحبه ملت قلبي وقلبه وجمعتنا
ولقيت الدنيا بقت جنه والفرحه خدتنا
والليل اللي كان بيطول عليه وعليآ
هيعدي ثواني كل الأيام اللي جايه
والشمس اللي كانت غايبه في دنيتنا
نورها هيجي ينور حياتي ويزود فرحتنا
وهتضحك لينا علي طول أيامنا
وهيبتسم لينا من النهارده زمانا
وقلوبنا خلاص هتعيش في راحه وأمان
مبقاش فيه حرمان ولايوم هبات عطشان
من بعد ماسقاني من حبه وحنيته 
والزمن رضي عليا ونسيت قسوته
بعد ماعاندني وتوه قلبي في غربته