ولاتصدق كلام الناس / واقوالهم
ده حبى ليك ولا يخطر / على بالهُم
يقولوا كلام ياريت / يشوفوا احوالهم
باحبك اه وبادعى لهم / اقول يارب عقبالهم
وحبى ليك نادر جدا / ولاطريقهم ولامجالهم
كلامهم ليك من الغيره / من النار اللى تلسعهم
وعمرى ما أحب غيرك انت / ده حُب يهد اوصالهم
ده حُب البعض شهوانى / يذوقوا شر أعمالهم
باحبك والله حُب جنون / وليه عشقى يزعلهم
وحبى ليك نظيف وشريف / ياريت احساسى يوصلهم
وحسره فى قلوب حُساد / قالوا اشاعات على مرادهُم
حبيبى اقرء كلام قلبى وكمان دقق / باحبك حب اد الكون ولاتصدق