ولا هزعل .. ولا هبكى مهما يا دنيا هتعكى إوعاك يا زمن تقسا أنا لسا عشمى فيك لسا ولا تعاكس ولا تغدر ومين ع الغدر راح يقدر معادش باقى لينا كتير ونرحل من هنا ونطير إفتح بابك ومررنى حالفه الأيام تغيرنى راح اسيبك يا دنيا الخوف كل القاعدين معاكى ضيوف شيل من راسى الوجع تاخره مفيش أول ملوش آخره وادى اللى معاكى لميته كرهته خلاص ومليته لم الكراتين بقى واربط شوف مين ع الباب وبيخبط دا كل جايه لها روحه عدى والسكه مفتوحه
