ﺭﺳﻢْ ﺍﻟﻔﺮﺣﺔ ﺑﺘﻌﻴﻂ
ﺭﺳﻢ ﺍﻟﺪﻣﻮﻉ ﺑﺤﺮْ
ﻭ ﺍﻟﻌﻤﺮ ﻏﺮﻗﺎﻥ ﻭ ﻣﺘﻠﺨﺒﻂ
ﻳﺎ ﻣﻦ ﺃﻛﻠﺖ ﺍﻟﺠﻤﺮ
ﻓﺎﻛﺮﻩ ﺗَﻤﺮْ
ﻓﺮﻋﻮﻧﻚ ﻛﺎﻥ أﺷﻄﺮ
ﺑﺺ ﻓﻰ ﻋﻴﻮﻧﻚ
ﺷﺎﻑ ﺍﻟﻨﻬﺎﻳﺔ ﻭﺍﻷﻣﺮ ﻣﺘﻘﺪﺭ
ﻳﺎ ﺯﻣﻦ
ﻣﺘﻜﺒﺮ ﻭ ﻣﺘﺠﺒﺮ
إﺭﺣﻢ ﻭﻟﻴﺪ ﻳﻠﻤﺲ ﺷﻌﺎﻉ
ﺍﻟﻨﻮﺭ
أنا ﺍﻟﻠﻰ ﻗﺎﺳﻤﺖ أﺑﻮﻳﺎ
ﺍﻟﻌﻤﺮ
ﺳﻠﻤﻨﻰ ﻫﻮ ﺍﻟﺪﻭﺭ
ﻗﺴﻢ ﺳﺎﻋﺎﺕ ﺍﻟﻔﺮﺡ
ﺧَﺪ ﻣﻨﻬﺎ ﺩﻗﺎﻳﻖ
ﻭ إﺩﺍﻧﻰ ﻧﺼﻴﺒﻪ ﻭ ﺃﻛﺜﺮ
ﻟﻴﻪ ﺑﺸﻮﻑ ﺍﻟﺤﺰﻥ
ﻋﻠﻰ ﺭاﺳﻲ ﻳﺮﻗﺺ و ﻳﺘﻤﺨتر
ﻟﻴﻪ ﺍﻟﻮﺻﻮﻝ ﻟﻠﺤﻠﻢ ﺻﻌﺐ
ﺑﺤﺎﻭﻝ ﻭ ﻣﺶ ﺑﻘﺪﺭ
ﻟﻴﻪ ﺍﻟﺤﻴﺎﺓ ﻏﺼﺐ
ﻭ ﺍﻟﻨﻔﻮﺱ ﺑﺘﺘﻐﻴﺮ
ﻳﺎ ﺷﺠﺮﺓ ﺍﻟﺼﻔﺼﺎﻑ
ﻋﻤﺮﻯ ﻣﺎ ﻛﻨﺖ ﺑﺨﺎﻑ
ﻛﻨﺖ أﺷﻮﻓﻚ ﺑﻌﻠﻮ ﺍﻟﺴﻤﺎ
ﻭ ﺃﻧﺎ ﻧﺤﻴﻒ ﺍﻟﻜﺘﺎﻑ
ﻛﺴﺮﻭﺍ أﻏﺼﺎﻧﻚ
ﺩﻓﻨﻮﺍ أﺣﻼﻣﻰ ﻭ أﺣﻼﻣﻚ
ﻭﻛﻞ ﺷﻲء ﺻﺎﺭ أﺻﻔﺮ
ﺣﻴﺎﺗﻰ ﺳﺒﻮﺭﺓ
ﻭ ﺍﻟﻌﻤﺮ ﻃﺒﺸﻮﺭﺓ
ﻣﻜﺘﻮﺏ ﻋﻠﻰ ﻛﺘﻴﺮ
ﻣﻌﻨﺎﺓ ﺑﻼ ﺗﻔﺴﻴﺮ
ﻣﺨﻠﻮﻁ ﺍﻟﻔﺮﺡ ﺑﺎﻟﺤﺰﻥ
ﻣﺘﻌﺬﺑﺔ ﺍﻷﻧﻔﺎﺱ
ﻟﻴﻪ ﺍﻟﺮﻭﺡ ﺑﺘﺤﻦ
ﺗﺴﻜﻦ ﺟﺴﺪ ﻓﺎﻧﻰ
ﻛﻞ ﺍﻟﺴﻨﻴﻦ ﺑﺘﺄﻥ
ﻣﻦ ﻭﺟﻊ ﻏﺮﺑﺘﻬﺎ
ﻣﻌﺪﻭﻣﺔ ﺍﻹﺣﺴﺎﺱ
ﻓﻴﻪ ﻧﺎﺱ
ﻣﺸﻄﻮﺑﻪ أﺳﺎﻣﻴﻬﻢ
ﺭﻓﻀﺎﻫﻢ ﺍﻟﺴﺒﻮﺭﺓ
ﻣﺤﺬﻭﻓﻪ ﻣﻦ ﺍﻟﺼﻮﺭﺓ
ﻭ ﺍﻟﻜﻔﻦ ﺑﺮﻳﺤﺔ ﺍﻟﻤﻮﺕ
ﻣﺘﻌﻄﺮ
ﺭﺣﻠﺔ ﺣﻴﺎﺓ ﻓﺎﻛﺮﻳﻦ
إﻧﻨﺎ ﻣﺎﺷﻴﻨﻬﺎ
أﺗﺎﺭﻳﻬﺎ ماشيانة
ﺑﺎﻟﺤﺰﻥ ﻣﺘﺸﺒﻌﺔ
ﺑﺎﻟﻤﺮ ﺳﻘﻴﺎنا
ﺍﻟﺤﻴﺎﺓ ﻏﺮﺑة
ﺳﻜﻴﻨة ﻭﺳﺮﻗﺎﻧة
ﻳﺎ ﻭﺭﺩﺓ ﻛﻨﺖ ﺧﺎﻳﻒ
ﺍﻧﺎ ﻣﻦ ﺷﻮﻛﻚ
أﺗﺎﺭﻯ ﺍﻟﻌﻄﺮ ﻛﺎﻥ ﺃﺧﻄﺮ