محتاجلك حبيبتى كتير / وانفاسى فى الهوى بتطير
محتاجلك انا ياغاليه / وافراح قلبى متتاليه
وقُبله شوق على جبينك / وورده جميله لعيونك
وبادعى لك فى كل صلاه / الهى ربنا يصونك
وف غيابك باقول الاه / لأن القلب مجنونك
وقربك والله ما أحلاه / وكل السحر فى جفونك
انام واصحى على صوتك / وحلم القُرب يراودنى
جميل الهمس وسكوةك / وشئ فى الليل يعذبنى
أقول يمكن تكون أوهام / مسير الفجر راح يطلع
اناجيكى بأحلى كلام / ونورك ع الجبين يسطع
وشوق فى القلب مابينام / ودقات نارها بتولع
عجيب الحب له احكام / واهات جارحه وبتوجع
مشاعر كلها الهام / بتقسى علينا وبتخدع
بأعلى صوتى اندهلك / وكل منايا اوصلك
تعالى حبيبتى على مهلك / لاأنى حقيقى محتاجلك