وعايش بس مش عايش
ولا لاقي لنفسي مكان
كأني في دنيتي طايش
بلف وادور مليش عنوان
في دنيا الطيبه فيها عيبة
وناس كدابه وغريبة 
بنام واصحي على الاحزان
حقيقي الدنيا دي عجيبة
دي فيها الناس بمليون وش
كلام في كلام وغش في غش
وناس مرتاحه جوه قصور
وناس مش لاقية تسكن عش
وفيها الجرح من ناسك
وممنوع تحكي احساسك
ولا تبكي ولا تزعل 
ويجي الكل فوق راسك 
ويما جيت علي نفسي 
كفاية يا دنيا بقا حسي
انا واحد غريب تايه
ومسجون في جبال يأسي
وبضحك بس في الصورة 
وحلمي مرايا مكسوره
ومش حاسس غير اني بضيع
وكل حياتي محصوره
ما بين حاضر وبين طيب
وبردو اخرها بتعيب
ما بسمع غير كلام وملام
من اللي معايا وقريب