نفسى اهمسلك كلمه وأوشوش
لو تزعل وشك هيكرمش 
بعد الصحه الباقى ميهمش
إحدف ورا ضهرك وارميه
معاك أو ضدك إلزم حدك
حد يردك حد يصدك
شوف الصح ومشى عليه
قلنا الدنيا مش مستاهله 
وياما قالوها علما وجهله
جمله جميله حلوه وسهله
لو يوم مش حلو تحليه
الناس لها أشكال وملامح
خامل طامح خايب فالح
والشاطر منهم بيسامح
يزعل أو يغضب على إيه 
خسران اللى تملى يعاند 
ترخى ويفضل دايما جامد 
واللى فجانب الشر يساند
دا اللى نقول ربنا يهديه
أيام حلوين وايام وحشين
ياعم دول حبه وماشيين
خلينا فيهم بقى عايشين
لو يوم مش حلو نعديه
الطبع الحلو بيبان
سيبك م المخ التعبان
فوتله وانتا الكسبان
لو شفته إياك تناديه