ساعه صفا
لامه الحبايب
اللي غايب
واللي رحل
واللي عايش
ساعه بعمر
فيها الحنين
والاشتياق
والوفا
ساعه صفا
بتقولي فوق 
انت عايش
بس قلبك
ما كنش شايف
بس برضو القلب داب 
ما اجمل الساعه
اللي فيها وقفه حساب
بتًّرجع زمان للروح
والقلب كان مليان جروح
واللي راح لِسَّه جوه 
الفكر عايش
كنت فاكره من سنين
ولى وأختفا
ساعه صفا
ما اصعب الحرمان
واللي اصعب من الغدر الجفا
ساعه صفا
بتقولي مالك
ما كنت ناسي طب ايه جرالك
النهارده جاي تفتكر ابوك وأمك 
وتقولي عمك وتقولي خالك
وتفتكر ناس ماتت من 30 سنه
كفايه تبعد بالخيال
خليك هنا
يوم المنى يتلم شمل
ودا محال
بزياده لعب عيال
خليك صبور زي الجمال
شيل الحمول
خلا نور جبينك ينطفى
ساعه صفا
بتقولي
ما اتعس القلب الوفي
مهما يدوق م الألم
لا يكتفي
يا مهجتي ذوبي صبابه
ما اصعب الغدر 
اللي ييجي م الرفاقه
دنيا وصبحت زي. غابه
ما أتعس القلب
اللي مليان بالكئابه
لو مره ضاق شهد الهوى
كان في الصبر يفتح مدرسه
ساعه صفا