انتي ليه احساسك بليد
حتي قلبك من حديد
انتي ليه بتقولي اقرب
وانتي اللي دايما بعيد 
ليه تمثلي دور برئ
وان انتي عايشه كالغريق
وتملي دمعك ع الخدود
نازل ملازمك كالرفيق
وانا القاتل 
وانا الظالم 
وانا الجاني
وانا الخاين 
ببيع العشره في ثواني
وبتسلي ومات قلبي
وسيبتك وانتي بتعاني
ومهما تقولي مش بسمع 
ولا عيوني كمان تدمع 
عيوب الكون كمان فيا 
بتاخدني وما بترجع 
ومش بتعب 
ولا بعمل حساب غيري
ودايما منك انا بهرب
كفاية خلاص
كفاية تعبت مش قادر
لا انا قاتل 
ولا ظالم 
ولا جاني
ولا خاين
ببيع العشرة في ثواني 
ومتحمل عشان خاطرك
وبسمع ظلمي بوداني
وبعمل نفسي مش سامع 
واقول ماشي ايه المانع
وبكره خلاص هتتغير
تبطل كذبها الواجع
وباجي كتير علي نفسي
عشان حبيتها من قلبي
كفاية تحسي ما تحسي 
ما حبك اه طلع ذمبي
وتمشي ما تمشي ميهمش
خلاص انا قلبي عاتبني
وقالي فوق ما تتزلش
عشان واحده بتتعبني
انا بس الي تاعبني
قابلت الحب بالقسوة
لقيت الطيبة صبحت عيب
في دنيا ظالمه ما تسوة
بقولك ايه
كفاية كلام
كفاية ملام
كفاية دموع
كفاية انا هقفل الموضوع
وروحي وجربي غيري
وهتشوفي قلوب تانيه
ساعتها هتعرفي خيري
تدوقي المر في الدنيا
تشوفي حاجات
تشوفي اهات
تشوفي خضوع
تقولي الاه
بصوت مسموع
وهعمل بردو مش سامع
ما قلبك اصله كان بايع
هاشوف نفسي 
واشوف غيرك
واعيش يومي
وهنسي الظلم وهمومي
واصالح قلبي وسنيني
ولومي يا دنيا ما تلومي