إهدي يادنيا .. ولمي المخالب 
كل شيء مباح وسايب 
كل شيء جالب مصايب 
حتى العقول بقا تفكيرها غايب 
أصل الضمير عاملي عايق
لبس لي جزمة بدون شراب .........
أهدي يادنيا وخليك عاقلة 
خليتي الكدب فانوس بلمبه 
معلقينا شعار ببنا ليبقى عاكس للضباب ...... 
أهدي يادنيا قلبتيها فوضى 
خليتي الحب مجرد كلمة حفظها حريفة الكلام من شبابنا وكل ذوات الأرباب ..
أهدي يادنيا . وشوفي حالنا 
دا الزمان هج منا 
وقال يارب معدش ذمة
القلوب ماتت بجد ومن سراب 
أهدي يادنيا ولمي المخالب 
دا بكرة جاي راكب وشاكب 
جاي يقول كفاية لعب 
جاي يقول كفاية خراب ..
كل شيء مباح ياخينا 
وكل يوم نسمع مصيبة 
وكل يوم غشاوة وضباب 
كل شيء مباح ياخينا 
والغلط منا وفينا 
بقينا خلاص كدا وليمة 
على موائد المارقين الدواب
كل واحد بيقول يانفسي 
عايز هبره عايز نصاب 
على حساب الصح ماشي 
على حساب الخلق مايضر وراضي 
المهم ما اسمع كلمة عتاب 
آه يادنيا كلك عجايب 
في كل حاجة واخده نايب 
خليتي الفقير بقا اسمه غايب 
والضرير بقا ذهنه شايب 
واليتيم بقا ياخد من دموعة الاكل والشراب