هى الحياة اىه

غير فرح ساعه 
وحزن دايم بالسنين ،،،،
ودقيقة بس سعادة
والباقي كله الم وانين ،،،،
وضحكة اقل من ثانية 
بس محيها دمع العين ،،،،
ودموع تملى نازله 
بتجرح بنارها الخدين ،،،،
مخفيه منها الطيبة 
ومفهاش ذره من الحنين ،،،،
هى الحياه اىه
غير اهات مليه الليل 
وحلم تفسيرو الهم ،،،
وعاشق قلبه بقي ميت ،،،
من كتر ما عاش ف الوهم
عايش ف الحياه رحال 
وعرقه بينزل بالدم ،،؟
اصبح ضعيف مفهوش حيل
واللي يشوفه يقوله يا عم ،،،
عايش فيها مجرد عويل
اصل الحياة حاله تغم ...؟
هى الحياة اىه
عباره عن مجموعة خانات 
وكل خانة فيها توها
ترجعلك تملى ع اللى فات 
ترجع من تاني للتوها
انك تبكي ع شخص مات
وتقضي الجاي فى دوخة 
تقلب ف كتاب الذكريات
على صفحاتك السودة
نرجع بقي تاني للحياة
جواك اسد بس ضعيف
من غير أنياب ولا مخالب 
إحساسه ده فعلا مخيف 
بساحه المعركة عاجز يحارب
كنت فارس وبقيت وصيف
لان عمرك ما تقدر فيها تحارب
ما اصل الباشا ده كان تلميذ
لبس ساعه من غير عقارب
قال اكون ضعيف بس اعيش
مهو من كأس الحياه الكل شارب