اكتب ياقلمى وبوح
عن قلوب مليانه جروح
اكتب وما يهمكش
وان صابك لوم ماتندمش
بوح باللي جوايا وريحني
مش بس للحب وتفرحني
البشر والإسم بشر
قلوبها صخر وحجر
عايشين عيشة غابه 
فالغدر تعالب وديابه
القوي بياكل الضعيف
وبيخطف من إيده الرغيف
والكيلو في الوزن خفيف
حال الناس والله تعبني 
ضميرهم مات وحيرني
بوح ياقلمي وإفضح
و ياما كنت بتنصح
الغني طمعان في الفقير
والفقير إشتكي كتير
ومحدش حاسس بيه
ولا حتي قانون بيحميه
ماتت عياله من الجوع
وقلب المسكين موجوع
واللي عنده ضمير عقله تاه
للخير اللي بينتصر جواه
مظلوم ومش قادر ينسي
ولآ قادر يظلم ويأسي
ياقلم بوح بالحروف
وِفَوّْقْ الُوفْ و الُوف
النفوس وقلوبها ضاعت
والمحبه بينهم ماتت
والسعاده من الطمع راحت
وقلوب تعيسه. وعتمه
وزواج مصاريفه نقمه
والحب عليه الرحمه
مسئول سعرآن في مكانه
سارق الخير وگإنه زمانه
راح ضميره ومعاه النخوه
وللرشوه في قلبه نشوه
مصلحته في عمله هَمّْوا
والحرام بيجري في دموا
ومات الشرف و النزاهه 
ندامه و فاكرها نصاحه
ياقلم بوح و اتكلم
وارحم قلوب بتتألم
وخلي الدم مِدادك
راحت الولاد قدامك
والخيبه زادت ف بلادك
الموضه بيجروا وراها
وياريت فاهمين اللي وراها
و ياريت للوصف تِقّْدَرّْ 
وعن حال الناس تِعَبَّرّْ
وعقول م الفكر فاضيه 
وشوارع خلوها تايهآ
الجايآ رايحه والرايحه جايآ
و تريلاَّ بسواق سكران
باللي جنبه مهواش دريان
والخيبه لو شايله زلط
وطايره في الحاره الغلط
اللي جنبه هيلعن حظوا
يازلطه ياخبطه ياقلبوا
ماهو ناَسي حواليه أرواح
دمها إتصفي وراح
وناس بتجري ورا المال
وبتاكل حرام وللعيال
ناسين إن الدنيا فانيه
بتروح أيام ومش جايه
وعيال قلوبها آسيه
للأب وللأم ناسيه
اتكلم ياقلمي وقوول
وخلي الصبر يطوول
واوعي تنسي حروفك
وتتعلم م الناس جحودك
وعبر عن حزن الناس
عايشه من غير إحساس