ياحبيبتى يا مصر انا إبنك 
ولحم اكتافى من خيرك 
لو مشيلش الحمول عنك 
هشيل عن مين بقى غيرك
حقك عليا متزعليش 
دمعك يا حلوه م الغالى 
لو فيه حبه محبوكيش 
ملايين بيقولوا تحلالى
يا امو الرايه مرفوعه 
ومحوطه بجبال الشر 
لو شفتك مره موجوعه 
بجرى عليكى لو هنضر
أسيبك وأرجع عليكى أطير
وأملا من ميتك كاسى
دنا لو مليشى فيكى خير
مليش فى أهلى ولا ناسى
لما الغريب ييجى يحبك
ويقول ارجع لها تانى
إشحال أنا اللى من قلبك 
يا اللى من روحى واخدانى
برجع وأخبط على بابك
وبتقابلينى بالأحضان
واحنى إديا بترابك
وفحضنك أعيش ف أمان