ولا يهمك يا بلدنا 
خللى اللى يقول يقول
خلاص بقى اتعودنا
ياما دقت ع الراس طبول
إمشى ومتبصيش وراكى
لو عدو بسهمو رماكى 
تلاقى ميت مليون فداكى
بالروح نفديكى لو نطول
لينا مين غيرك يا حلوه
حبك ساكن ف القلب جوه 
واسمك فودانا أحلى غنوه
مطرح متمشى تلقى القبول
ياسلام على حضنك الدافى 
وجوك الصافى الخرافى
شتوى صيفى ربيع خريفى
روعه فى كل الفصول
حضاره قبل العصر الحجرى
طول عمرك بالحب تتاجرى
والنيل فحضنك شريان بيجرى
نحتار فى وصفك مهما نقول
أم الدنيا وانا منها 
وأقدم روحى فدا عيونها
عمرى فيوم مبعد عنها 
مهما تغرونى انا مش منقول