آه منك يادنيا آااه..
وآااه من عمايلك يادنيا فينا
وآاه يادنيا من ظلمك وأسوتك 
وليه يادنيا بتيجي علينا 
وبتحرمينا من حنيتك
ولما نحتاجك ليه يادنيا 
بتعاندي فينا وتخبي فرحتك 
وعشان غلابه بتستخسري ضحكتك
مديانه ضهرك ومابتدينا وشك
واللي مش عايزين يادنيا منك
مابيشوفوا ضهرك ومصلحاهم بوشك 
ومزينه كمان ليهم جُعبتك
ليه يادنيا إنتي غريبه ومعانا كده
ومهما قلنا الأآه منك ومن ظلمك
بتأسي علينا ليه بالشكل ده
لايوم فرحتي قلوبنا ولآحسينا بحنيتك
ناس بتنام فيكي من غير عشي
وناس كلابها بألوف بتتعشي 
حتي آسيه فظلمك علينا وانتي بتغدري 
ودايما للغلابه بتعاندي وبتهجري
والغلابه فيكي دايماً تعبانين
والمرتاحين مزوداهم ومش فرحانين
وم الهوا مدياهم حظ وملايين 
محيرانه يادنيا كتير معاكي
وأهل الضمير فيكي غلابه
وبينهش لحمهم كمان الديابه
وعايشين معاهم زي مانكون فغابه
ومغرقانه معاكي يادنيا في الديون 
محرومين ومركبانا كمان الهموم
والباطل ناسوا وحوش سعرانه
عايشين متنعمين وبرضوا طماعين
غاب الضمير ياكلو نار ومش دريانيين
وراحت السعاده من قلوب البشر
وعايشين فالدنيا وبيعاندوا القدر
الغلابه مش فرحانين عشان محرومين
والوحوش مش فرحانين عشان طماعين
والبركه والخير راحوا منك خلاص. والعيشه مرار ومفيش فالقلوب اخلاص
لما جرينا يادنيا وراكي بالمشوار
ونسينا الطيبين أهالينا بتوع زمان
والسعاده منوره قلوبهم والمكان 
وكانوا عايشين سعدا ومبسوطين
ونفوسهم قنوعه وبرزقهم راضين
وقلوبهم مليانه رحمه وموده وحب وحنين