بتقولى إتجوزى
وروحى جهزى
تفتكر دى النهايه
دى بدايه لمليون حكايه
أنا قلبى ليك انت بس
يوم ما قلبى بحبك حس
تعرف هنظلم كام من قلوب
منا أصلى فيك بحلم وأدوب
وأتمنيتك يالمحبوب
ليه تظلم قلب حبك
اترمى فى حضن قلبك
قول استحلفك بربك
هتقدر تنسى حبى
وإنت اللى سكنته قلبى
دلوقتى بتكتب نهايتى
عايزنى اتجوز واخلف
واكتب الواد على إسمك
وتفضل ساكن خيالى
وعايش معايا ياغالى
دا الموت عندى أهون
شايف الموضوع هين
كدا قلبك مش حنين
تقدر تفرط فيا 
وحبك أتبدل آسيه
لا بلاش ياعنيه
أفضل كدا أعانى
ولا أتجوز حد تانى
أظلمه ويظلم فيا