نعمل إيه بس بذمتكم 
عشان تشوفوا الإنجازات 
لو الإنجاز فوق سطح بيتكم
تسيبوه وتفتشوا ع الهفوات
جزيره وشرق ومكملين 
عميت عينهم مش شايفين
متحطوا قطره يا حلوين
وللا الشوف بقى بالمزاجات
لما فحتنا قناة السويس 
قالوا تشط امك يا عويس
وان عدينا تحتها أنفاق
نسمع تأليس السفهاء
وان أنشأنا طرق وكبارى
نبقى بنرمى فلوس فمجارى
وان زودنا الجيش بسلاح
غليتوا ليه سعر التفاح
نقضى ع الإرهابيين 
دول غلابه ياعينى مساكين
نبنى العمارات للغلابه
يقولوا حرموهم من الخرابه
إنشاءات ومدن صناعيه 
عينكم مش شايفه ومعميه
إنشاء مزارع ياما سمكيه
بالنسبالهم فكره غبيه
انشاء صوامع إصلاح أراضى 
يقولوا علينا مخنا فاضى
رفعنا رصيدنا الإحتياطى
الدولار كان سعرو واطى
الزيت والسكر ملوا البيوت 
غرقتوا السوق ودا مش مظبوط 
تكافل وكرامه طاقه مستدامه 
مش شايفين لدا أى علامه
العيش سهل بدون طوابير
شوفوا ازاى غلا الجرجير
نقول عاصمه إداريه جديده 
خليتوا البلد على الحديده
إكتشافات وحقول الغاز
الراجل باع أرضك يا معاذ
كهربا دايمه ومبتقطعش 
سادين ودانهم مبتسمعش
ياجماعه سموا كدا واتفاءلوا 
ضيعتوا من الواحد عقلو
نعمل إيه بس بذمتكم 
عشان تشوفوا الإنجازات 
لو الإنجاز فوق سطح بيتكم 
تسيبوه وتفتشوا ع الهفوات