ان كان حبك مِغَلّْبّْنِيِ
وهجرك وغيابك مِعذبني
طب قوللي اعمل ايه فقلبي
وايه ياحبيبي دواه
وقوللي اجيبوا منين
وانت هاجرني بقالك ايام 
عدو عليا ياحبيبي سنين
واعمل ايه في غرامك وهواك
بعد ماحسيت وعشت فيهم معاك
ومقدرش استغني تاني عنهم
ولا اقدر اعيش محروم منهم
طب ارمي عليا نظره من عيونك 
ولا حتي ياحبيبي سلام
من غير كلام
تصبر بيهم ياحبيبي قلبي
وتريح الحيره في عقلي
وتطفي بيهم ناري
وتريح فكري وبالي
وترحم قلبي الولهان
من العذاب والهوان
ازاي ياحبيبي قدرت تهجر
وبقلبي اللي حبك كمان تغدر
بعد ماتمنيتك ياسيد الناس
مين شيطان دخل ياحبيبي بينا
ونساك اننا علي الحب إتعاهدنا
لما جاني وجالك الهوا
ومن غير ميعاد جمعنا قدرنا سوا
مين غيرك يابوقلب كان ماس
وخلاَّ قلبك مليان وسواس
وانت اللي كنت معايا رقه وإحساس
وفيوم وليله اتبدلت احوالك
قوللي ياحبيبي ايه بس اللي جرالك
وليه اسوتك ياضي عيني عليا
وتشمت عوازلي وحسادي ليه فيا
وتزود المي وجرحي وصدمتي فيك
بعد ماكنت ماعرفش انام غير بين اديك
وعيني تشبع ياحبيبي من عنيك
كنت أنام عشان اكمل حبي فيك
واحقق كل اللي بتمناه منك مع الأحلام
حرام عليك ياحبيبي تهجرني وعينك تنام
وابات الليل كله أبكي وانا سهران
والدمع علي خدي منك مستغرب وحيران
من غير سبب ومن غير زعل ايه غيرك.
ولاَّ قلبك راح لحب تاني هو اللي حيرك
ان كان ياحبيبي لا تتعب ولا تحتار
روح للي اختاروا قلبك وخليلي وحدي المرار
وهتمنالك الهنا من قلبي اللي حبك ومن غدرك بات مُنهار