وياما كلموني عنك وعن جمالك
وياما وصفولي حسنك ودلالك
خلوني احبك واتمني أشوفك
واشتقت إليك وانشغلت بيك 
وقلبي اتمني يجري عليك
وكل مانسي القاهم فكروني
ومن حلاوة وصفك شوقوني
وشوقي ليك سَّهَّرّْ عيوني
ولماشوفت عيونك غيروني
وقلبي وفؤادي ليلاتي
كانوا عنك بيسألوني
مشتاقين لسحر ورمش العين
وقاتلهم هواك والحنين
تايهيين ومشغوليين
واتعودت غصب عني افكر فيك
والأماني أعيش عمري ليك
والهنا والأفراح حواليك
ولقيت نفسي هويت واتمنيت
وعشقت ياحبيبي وحبيت
وكلمتين منك غيروا حياتي
صحوا حنيني ونسيت آهاتي 
واترجيت الليل يطول 
والشموع تفضل علي طول 
وحبيت الليل وساعاته
إللي مهنيني معاك 
وبلقاك إحلوت أوقاته
واتعودت اكون وياك
وقلبي داب في هواك 
وانشغل الفكر والبال بيك
وسامع نبض قلبي بيناديك
واتمنيت عمري كله ليك
اعيشه حبيب بين ايديك
وايامنا اللي جايه اجمل أيام 
نعيشها سوا حب وغرام
ونحقق كل ماكان أحلام