أطفالنا الحلوين
طبعا عارفين انا مين 
أنا العصا والجذره 
والكل ياخد حذره
أنا اللى هعرفكم 
ياالدرس يا اقرفكم
وإننى أتعهد 
لمن أتى للمعهد
أكيدع الحجر هيقعد
ومن دفع عربون 
لو حتى كان مجنون
نجاحو أكيد مضمون
واللى مجاش الدرس 
والله لهارسو هرس 
يللا اقعدوا فى الحصه
واحكوا حدوته وقصه 
أرجوكوا متسألونيش 
شرح بلاليشى مفيش 
الشغله بقت منظوره 
ومفيش غيرنا ف الصوره 
كلو بيسرق من كلو 
إشمعنى علينا يطلوا 
يجيبونا عشان عيالهم 
ويقولوا بنسرق مالهم
يخرب بيتكم جرى إيه
باصين لنا فيها ليه
غير التدريس مفهمش
وحكومه مبتعينش
خلونى عشت فحيره 
معرفش غير الطباشيره
ومفيش قدامى يابوسى 
غير الدرس الخصوصى