مالك ياقلبي وليه الوسواس
بتعاني ياقلبي علة ولاَّ حال الناس
اوعي ياقلبي تغدر وتخليٰ بيآ 
بعد مارتاح البال والدنيا بقت راضيه عليآ
قوللي الحب ولآ القلوب الآسيه محيراك
ولاَّ الظلم والخيانة مغيراك
ولاَّ انكتب عليك ياقلبي النواح
ولاَّ صعبان عليك العمر اللي راح
طب ياقلبي طلبت منك أنا السماح
وهنسي الحب إن گان نهايته هلاك
غلطتي لمآ صدقته ومش غلطتك 
كنت فاكر الحب ياقلبي هيخليه ملاك
وجيت عليك لما غصبتك وظلمتك
ومن كلامه ووعوده خلآني عصيتك
طلع غدار وراح وعليك ياقلبي آسيت
إرجع ياقلبي تاني وانسي اني هويت 
من غير ألم وعذاب زي ماكنت زمان
صدقتك ياقلبي وع النسيان نويت
وم الليلادي هجرت السهر وكل ماكان
والعين م اليوم خلاص هتنام
لآ لوعه ولآ عذاب ياقلبي كمان
وهنسي الحب والغرام حتي الكلام
وهتلاقيني إتغيرت ونسيت الأحلام
وهننزل انا وانت ياقلبي من السمآ 
وننسي الخيال ونعيش ع الأرض سوآ
ونعيش بعيد انا وانت والبال يرتاح
بعد ماشوفنا وعانينا ...كفايه جراح