عاجبانى صراحتك
وحاسيبك براحتك
تقولى اللى فى نفسك
بحروفك واسمك
********
ومحتاره ليه
وحاتقولى ايه
يخليكى تايهة
وليه حانداريه
********
وقلبك كتب
وحبك غلب
وعز الطلب
أكون السبب
********
وحلمك دا حلمى
انك تبقى جنبى
واقولك ياحبى
حبك فى قلبى
********
وعشنا الوردى
سماكى وارضى
وناخد وندى
بأحلى الكلام
*******
حاتعيشى معايا مرتاحة
والحب كده بصراحة
خلى حياتنا بقت جنه
عايشين فيها بنتهنى
بحياة حلوة ونتمنى
********
وان كان ع العيشة السواحة
الدنيا ما اتخلقت للراحة
نشقى ونتعب ونعافر
لاجل الحب يكون واحة
********
وحروفنا ليه تكدب
واحنا بنحب وبنلعب
والحب دايما يغلب
وينادى علينا ويرحب
********
وان كان ع القسوة نداريها
ببسمة وضحكة نخبيها
حاتلاقى الدنيا وما فيها
موجودة جوه احضانى
وماعادش زمانك وزمانى
بالحب بديت عمرى التانى
********
وبعيش وياكى أجمل لحظة
كلمة وبسمة ونظرة
وما اقدرش اخبى وبقولك
ياللا نكون أجمل أسرة
ونسيب لولادنا سيرة وذكرى
********
وانا اصلا جاى من الريف
طول عمرى دغرى وشريف
ونضيف وماليش فى الزيف
وانام واتعشى ولو برغيف
********
ولما قلبى يحن
أحتار وأئن
إزاى ابعد عنك
وانسى انى منك
آه من سوء الظن
********
وان كنت غلطت سامحينى
ويرجع حنانك لحنينى
ونجدد عمرك وسنينى
ياحياتى وعمرى يانور عينى