انتا عشان عارف
إني حبيتك بجد
وعارف كمان إني
غليتك على اي حد
عمال بتيجي عليا
بقصد وبغير قصد
تزعلني وعايزني
اصالحك لا وتتجنى
كمان عليا وتقول
إني محبتكش بصراحه
مش لاقي لكلامك رد
لا والله ياغالي يا
أغلى عليا من حالي
مش هصالحك غير
اما تجيني وتمسح
دموع عيني ال سالت
على فراقك في ليل
الشتا والبرد
مش هعاتبك على هجري
ولا على عليك هجري
خلاص اخدت على نفسي
عهد
سبني وانساني وخليني
في خيالك ذكرى
بس ياترى هتقدر على
بعدي مسيرك تيجي
النهارده اوبكره 
اصلك مش ممكن 
تخون الوعد
ااااه كل ما افتكر
كلامك وانت بتحكيلي
هيامك وشوقك وغرامك
وفاكر لما قولت
انك مش قد نار البعد؟
طيب فاكر لما قولت
اني في حياتك كنت
الهنا والسعد
بس وغلاوتك عندي
ماحتهان فدى حبي
ياتيجي وتواسيني
وتطبطب على قلبي
يا هحط بيني وبينك
الف حيطه وسد