منا قلتلك م الأول
السكه دى هتطول
آه لو سمعت كلامى
ونصيحتى من عمنول 
غلبت ازعق واقولك 
سديت بقطن ودانك
معرفش إيه اعملك
حيرتنى فأحوالك
عيبك انك عندى 
مبتسمعش الكلام
لو النصيحه من عندى 
تقول عليها حرام
ياما بقيت تغرينى 
وتقولى شفت ودقت
يللا بقى ورينى 
هتعمل ايه دلوقت
قوم مشى من قدامى
مش عاوز اشوف وشك 
مبتسمعشى كلامى 
ومفكرنى بغشك
كل الفرص أهى ضاعت 
مفضلش غير الصبر
مش هتفوق الا ساعة 
متلاقينى ف قبر
دى خناقه ع الصبحيه 
بينى أنا ومبينى 
بلاش المره ديه
حد بقى يهدينى