ياسالفة الگلب والروح بيك تذوب
كلمة زغيرة انة وضعت بلسانك
چفوفي التيهت دگة البيبان
أحنيهم نذر لو لاگيت بيبانك
حزني بظفيرة صارت تنظفر بالليل 
بكل حجر منقوش و منرسم وجهك
حرز شديتك بمحرابي المفجوع
ياسالفتي بصلاتي أذكر و أصليلك
فوانيس العمر ضاعن كلهن بفرگاك
ونبض الگلوب يموت لو مرني صوتك
ضواي إنته الطفة الخجلان منه الليل
ياروج العطش إنت وما رِوه برشفك
شنو ذنبي وصرت انة الغريگ وبيك
يساجيت التِرع النشفت بعينك
بكل مسه أتذكرك وذكراك لا ميضيع
وأطيحن باالضوة اليشعل روازينك
عطر جوري خيالك لو يمر طرواك
أحط بعيني مو صورة الگبالي صوتك 
ليش الماي ينشف بس يمر طاريك
وليش بروحي أتچوة بمغيبك
أغفة بچم حرف وأحلم قصيدة وياك
ياوجه الفجر إنت ولو طلني صبحك
دم إنت بوريدي وغفوة المعشوگ
يا أجمل صدفتي البيها صادفتك
بس بشوفتك كل الكلام يضيع
وتظل عيوني تحچي بضحكة عيونك
أريد أحرگ بروحي لخاطرك دوم
وأطفي بصفنتي جمراتي من دونك
يگولون المحب بالظلمة دربة يموت
يل بكل ظلمة دربي يضوة وي ليلك 
بچت يمك عيوني وبالتواسيل
أگلك أبقة وإنت إبعدت ما چنك
أحسب كِل نجم بالسمه وكل مصباح
وأظل أمناطر بوجه الفجر نجمك
هنيالك عرفت شلون تلعب دوم
وعرفت شلون تسلب گلب هنيالك
بقيت أتنطرك وبالنية روحي إتهيم
ودنياك إنطتك حتى أغلى من نيتك
نصيحة : بإذنك وعلگها چالچنگال
وأريدك دومك ترددها وي روحك
لتغدر بالمحب لو شفته بجفاك يعيش
من غدرك يكرهك إنت ونظرة عيونك