فيه ناس تموت ف أكل الحـرام
مهمـا تاكـل منه م بتشبعش
تقتـل القتيـل وتمشـي ف جناازته
وتتخـانق علشـان تشـيل النعش
وتفضـل تبكـي ع المرحـوم بحرقه
مع إن عيـون التماسيـح م بتدمعش
وان قلت له ربك علي كل ظاالم
يلوي رقبته كأنه اطرش م بيسمعش
علشـان كـدا قلت لك ارجـع ياولدي
دا المال الحــرام م بينفعش
والشجـره الشيـطانى م بتفـرعش
وطعمهاعلقم ف الحلق ونار ف الجوف
والعيشه بتبقي مرار ورعب وخوف
اسمع كلامى وف المظاهر الكدابه
ياولدى م تتخدعش
بيبقي من بره ملاك ومن جوه ساكنه
الف جن ووحش
البحرغدار وموجه عالى كماالطوفان
مليان افاعى علي قروش علي حيتان
وهيقابلك فطريقك ألف نعش ونعش
ارجع ياولدى ارضى بقليلك متطمعش
دا اللقمه الحلال م تتقدرش بثمن
واللقمه الحرام بتبيع حياتك 
علشانها مؤدما
وكاس الخمره مهما يغلي م بيشفعش
اللـى هـ بيشفع لك عملك الصـالـح
مهما كان قلب البحر قاسى ومالح
الكلمه الحلوه بتشفي م بتوجعش
هتاخد ايه لما تاكل عرق الشقيان
وتهين الشريف وتعـذب الغلباان
وتقتل البريئ وتنصرالخاين والجبان
اسمع كلامي وارجع م تتمنعش
داللي بيمشي ف طريق الإجرام
ياولدى،صدفنى بيروح وم بيرجعش