ياللي رمشك جرحني
بعد ماخطف قلبي وشغلني 
والكُحل فعنيك السود سرقني
وف ليالي الشتا سهرني
لسه عن حبي بتسألي
طب لعيني ياحبيبتي إسألي
وشوفي مين حرمها من النوم
واليوم بيعدي عليها كام يوم
......................................
ولو لسه عايزه تطمني 
وعن اول حب فحياتي تعرفي
حبك فقلبي ماله حدود
وماحد حب زيه فالوجود
ياللي هواكي مدوبني 
وغرامك وعشقك واخدني
من يوم ماشوفت عينك
خطف القلب مني رمشك
تبقي ليه ياحبيبتي ملوعاه
ولو مش مصدقاه
تعالي حطي ايدك عليه
وكام دقه فالثانيه ليكيِ اسمعيه
وإسأليه ياحبيبتي وصدقيه 
انتي كل حاجه فالدنيا ليه
...........................................
عمري إبتدا لما ظهرتي فحياتي
وكانت ليكِ اول آه من آهاتي
وقلبي دق ليك اول دقه 
يانبع الحنان والرقه 
انتي عمري وسنيني
والأمل خلاني مستنيكي
وقلبي مليان بشوقي وحنينى
..................................... .....
هو انتي فاكره ياحبيبتي 
ان حبك حب عادي 
زي حب باقي القلوب
حبك عجزت وصفه الحروف
ولو كتبت عنك وعن حبك
الف يوم ياحبيبتي مايكفي
غير إني كمان بموت فيكي
وبعشقك مجنون 
وبغرامك مفتون
اوعي تاني تسألي 
عن حبك قلبي الحنون
ولو سألتي هتزعليني
و تبقي لسه مش مصدقاني