الناس يا صاحبى نماذج 
من كل صنف ولون
فيها الزكى والساذج 
والعاقل والمجنون
مش كل الناس وحشين
ولا كلهم حلوين 
فيه اللى منهم كدا 
وفيه اللى منهم كدا
فيه الحنينين 
وفيه كمان قاسيين 
وفيه بين البينين 
لا كدا ولا كدا
فيه ناس تحبهم 
وتقرب منهم
وفيه لو شوفتهم
بتبعد عنهم
فيه إللى قلوبهم دافيه
والنيه حلوه وصافيه
لو شافوا الناس بعافيه 
بيشيلوا عنهم
وفيه واخدينها قوه
وطبعهم مش هوه
لو فى الجنه جوا 
بنهرب منها
فيه تحبهم
وفيه متحبهمش 
تتمنى قربهم
ونفسك متشوفهمش 
فيه بيفرحولك
وفيه بيحسدوك 
فى الفرح يباركولك 
ويتمنوا يهدوك
فيه اللى كدا 
وفيه اللى كدا 
ياترى انته فين يا صاحبى 
كدا وللا كدا