ياحبيبي وغرامي وحبي الكبير عمرى كله ليك
ياللي حبك خلآني نايم وصاحي باحلم بيك
قبل منك ياحياتي حياتي مكنش ليها معني كانت مليانه ألم وجراح
ولما جيت ياحبيبي غيرت حياتي ومليتها هنا وأفراح
آه من حبك ياحبيبي مليان عذاب وآه وشجن وأهات وقلبي فيك سواح
كنت فاكره الحب احلام وكلام وغرام مكنتش اعرف إن عذابه بالشكل ده
وان حبيبي لما يلوعني يجنني وينسيني النوم كده
دا انا ياحبيبي حبك خلآني إتحديت العالم وهجرت الكل عشانك
هجرت مكاني باللي فيه اهلي واصحابي واحبابي وحبيتك انت ومكانك
حبيتك ياحبيبي حب يملا قلوب كل البشر ويفيض كمان
ماهو انت الحلم اللي كنت باتمناه فخيالي وباحلم بيه والأماني من زمان
كنت بشوف صورتك في عيون كل الناس وصوتك كان بيرن فكل مكان
خليتني اصحي الليل بطولوا مهما كان ومعرفش انام
واشتاق أسمع منك كل دقيقه ياحبيبي لأحلي كلام
واشتاق لعيونك الحلويين أسرح فيهم ويتوهوني
ولمسة اديك تحضن ايدي وتهمس فشعري و للسما ياخدوني
يالا نعيش كل لحظه فحياتنا حب ونملا الدنيا بعشقنا وغرامنا
ونعيش انا وانت الف عمر ياحبيبي في عمرنا
ونخلي القمر فالسما والنجوم حتي السحاب يشهدوا علي حبنا
وعلي عهد الوفا والإخلاص ويفضل نور الحب منور العمر كله قلبنا
وشوقنا واشتياقنا يفضلوا نار قايده حتي واحنا فحضن بعضنا
دآ الحب ياحبيبي نعمه وبعتهلنا ربنا 
ووهبها لينا تسعدنا وتهني عمرنا
يلا نخلي الكل يفرح ياحبيبي معانا 
البلابل ع الأغصان والطيور ع الأشجار
والفراشات ترقص ليل ونهار بين الأزهار
حتي الملايكه ياحبيبي فالسما تفرح معانا وتبارك لنا
الله ع الحب ياحبيبي الله عليه خلاَّ الدنيا جميله وكل شيء حلو فعنينا
وزاد هنانا و فرحنا