حبيبي ياسايق دلالك وجمالك أوعي تغير حالك
وبشويش علي قلبي شويه وبلاش تزيد في دلالك
ولا انت ناسي ياحبيبي وعودك معايا بدوام وصالك
انت عارف مقدرش استغني عنك ولا اقدر افكر انساك
وانت ليه ياحبيبي عاوز قلبي يتغير ويعند وياك
بعد ماصان عهد الوفا ياحبيبي واخلاصه معاك
مانت ياحبيبي عشقي وغرامي وأيام العمر والسنين
ومن غيرك يانور عيوني أعيش فالدنيا دي لمين
انت الأمل والأماني لحياتي والهنا في دنيتي
والحب كله إتخلق فقلبي ليك ياعمري كله وفرحتي
دانا لما بحس في يوم بتتألم مش بقدر احوش دمعتي
دلعتك واتحملت دلالك عليا عشان بحبك وبهواك
وبعمل كل حاجه ترضيك عشان انول رضاك
بس متنساش ياحبيبي ان الدلال برضوا له حدود
عشان مايقلبش ياحبيب قلبي لدمع علي الخدود
ويسبب كمان زعل الخواطر بينا ويوصل للعناد
وواحده واحده وكام كلمه دخل الشيطان بينا وبقينا بعاد