إنت فاكر لما تبعد عنى هموت
وان الدنيا هتقف عندك
وأعيش فى سكوت
رغم أنى عشت معاك
لحظات ماتفوت
بس اقول لك
انت عارف اللحظات دى
، عندى تساوى كتير
عشتها معاك بكل جوارحى 
،، بدون تفكير
بس ياخساره ماعملتش
حساب يوم للغدر الكبير
انت فاكر أن الثانيه كانت معاك ثانيه
لا ياحبيبى دى الثانيه كانت معاك دنيا
واللى حسيته معاك برضه حاجه تانيه
بس عمرى ماتخيلت أنك فى لحظه
تجرى تروح لوحده تانيه
رغم ان جرحك ليا ياعمرى قاسى
صبيت مليت كل كاسى
قلتلى أشربيه نقطه نقطه 
ودوست على أحساسى
بس تعرف ياغالى انى لسه
واقفه على رجلى رافعه راسى
مايوم هقع وهفضل عايشه
من غيرك وده أحساسى