علي قد الدنيا ما بتبكينا 
بتعود وتصالح فينا كمان 
ويحن الليل تاني علينا 
ومعاه بتحس إنك إنسان 
بيضم مشاعرك وأهاتك 
تحكي وبيسمع حكاياتك
تكتب في قصيدة لكن غايب
في سطورها أزاي بس العنوان 
وتسافر بيك تاني الفكرة 
ويبان في عنيك ضي الذكري 
ويفيض الدمع فوق خدك 
وتلاقي الموج جواك غضبان 
تجري وتقيد شمعة صديقة 
ماهي عايشة معاك كل دقيقه 
وف نورها الجرح معاك سهران 
ترجع وتحاسب نفسك 
وتحاول تخرج من يأسك 
تصرخ ومفيش نبض في حسك 
ومن تاني تعود تكتب أسمك 
انا حاسس لية كدة بالحرمان 
جوايا مشاعر محروقة 
والأهه في قلبي مسروقة
ولناري مفيش أبدا دخان