ياما قلوب حواليك ياقلبي بيتمنوك وبيتمنوا رضاك
وغصب عنك متعذبين منك ومن أسوتك وجفاك
قلوب كتيره ياقلبي هايمانه فغرامك ودايبه فيك
وبتتمني تعيش وياك العمر كله وتبقي ليك
وليه ياقلبي أمرك عجيب ودايماً محيرني
مشغول بقلوب مش هتكون ليك وليلاتي مسهرني
وسايب قلوب بتحبك ودايبين في فحبك وهواك
وبتجري ورآ قلوب ملوعاك وليل ونهار
معذباك
مش حاسين ياقلبي بيك ومشغولين بغيرك ومش داريين
وهما كمان ياقلبي من حبايبهم هتلاقيهم حيرانين
أما ياقلبي الحب ده أمره غريب وعجيب
بنجري دايماً ورآ البعيد وبنسيب القريب
سيبك ياقلبي منهم وروح للحبيب اللي شاريك
مش هينوبك منهم غير العذاب والضنا وهما مش حاسين بيك
وخليك ياقلبي ويا اللي بيحبوك وبيتمنوك.
واللي مهما بعدت عنهم باقيين عليك وبيستنوك
سيبهم يعيشوا ايامهم مع احلامهم وعيش ايامك ويآ اللي بيحبوك
الحب لآ بإيدك ولآ بإيدهم ياقلبي دآ الحب أقدار
ولمآ بييجي ويدقلوا القلب بيملكه من غير أعذار
أوعي ياقلبي تحب قلوب مش بتحبك ولٓا بتهواك
حتي لوحبيتهم وهما لآبيحبوك ولآقلوبهم عيزاك
هيخلوا حياتك مرآر وعذآب ومش هتشوف معاهم يوم راحة بال
وروح للي بيحبوك وشارينك ولو كانوا ياقلبي علي قد الحال