والله وضحكت أيامي
و نصيبي انكتب وجاني
والهوا آاااه منه ياني
گان فارس احلامي
اللي ياما حلمت بيه
واتمنيتوا يجيني من سنين
بشوق ومليانه له حنين
وعنيه هي عنيه
اللي ياما شوفتها فمنامي
وياما سهرت وفكري سارح
فيها وفرمشها الجارح 
حبيبي جاني وفرحني
بعد انتظار طويل دبحني
خلآ البال ياما احتار معاه
كنت شيفاه فخيالي وبستناه
................................. ........
وياما جوني كتير خُطاب
وعمري مامليت م الغياب
ومحدش گان حاسس بيا
ومن يومها ياعيني عليا 
ماشافت عيني النوم
واليوم بيعدي كام يوم
وياما اشتكت جفوني 
من دمع وسهر عيوني
وياما عزالي لآموني
وحسادي حسدوني
........................................
واتحملت ياحبيبي كتير
كل اللي جري من غير تفكير
والأمل عمره مافارقني
رغم حبك گان فاضحني 
وغيابك كان شاغلني
وعايشه وياك فخيالي
وصعبان عليا حالي
وكلامهم كان معذبني
وكان قلبي بيصبرني 
ومريح دايماً بالي 
.......................................
كنت بسهر الليل فرحانه
ومهما طال مش زعلانه
سعيده ياحبيبي وانا ويآك 
افكر فيك وفحبك وباستناك
وقلبي فعشقك گان غرقان
ومع طيفك شاربه الحنان
ولشوق قلبي العقل حيران 
مكنتش اعرف ان الحب كده
بيخلي الدنيا حلوه بالشكل ده
...........................................
ربي يخليك ياعمري وصبري
ويااجمل احساس فقلبي
وأحلي هديه من ربي 
الله علي الحب الله عليه
لما يجيلك حبيب بتحلم بيه
والله ع الدنيا الله عليها
لما تعيش انت وحبيبك فيها
ربي يقدرني واسعد حياتك
وروحي وحياتي اوهبهالك