وقفت ملايكة الحسنات على الطريق تحصى وتعد
خطاوى بشر ساعية لبيت الله جماعات زى الورد
النية صافية والقلوب دافية والقصد خير القصد
قاصده كريم بالناس رحيم حنان منان يحب العبد
تأدى فرض ربها وتدعى يسبل عليها الستر والسعد
ساخبه عيالها تسبق خيالها ومازيهم ساعتها حد
الوجوه منورة والبدان معطرة والنيه زى الشهد
وصلوا المكان قبل الادان ولسانهم معطر بالحمد
الكل قاعد والسكينة بتساعد على الركوع والسجد
وفى لحظة امان وقف الزمان وحلف مايكمل عد
شاف الغول زى المغول لاذمة ولا ضمير يعتد
لابس قرون والوش مدهون والقلب باين مسود
فتح نيرانه على المسجدوسكانه ومعتقش الجد
رصاص وابل مدعم بقنابل يحصد البشر حصد
من غير جريرة صغيرة ولاكبيرة قتلو من غير حد
ليه ياانسان تسمع لشيطان عصى الاله من غير حد
قوم يامصرى حزملى خصري نشوف ايه هو الرد
ايدك فى ايدى انت سنيدى امبارح وبكرة والغد
نهزم شيطان داير فتان وعاشق الفتنة وغاوى الهد
ونعلى بنيان يخدم انسان وللفلاح نسعى ونجد