غبتي عني يومين اتنين
مروا عليآ سنه وسنتين
هو يعني عشان بحبك
ومن خوفي عليكي
ماقدرش أستغني عنك
وقلبي مجنون بيكي
ودايب دوب في هواكي
تغيبي عني وتعذبيني
دانا ياما ياحبيبتي قولتلك
من أول يوم شوفتك وحبيتك
اوعي تغيبي عني أو تهمليني
ومن حبك لحظه تحرميني
تقوليلي هما يادوب يومين
اومال لو غبت ياحبيبي شهرين
كنت عملت ايه فيا
انتي فاكره يومين ياحبيبتي شويه
اتحرم فيهم من الحب والحنيه
ولآ انتي لسه مش حاسه بيا
ومتعرفيش انتي ايه بالنسبه ليا
طب تعالي اكتم أنفاسك بس دقيقه
وشوفي ياحبيبتي هتحسي بايه
ولو انتي ياروحي اتحملتيها
ابقي براحتك غيبي عليا
ولو اتخنقتي وماتحملتي
تبقي عرفتي هيحصل ايه لوغيبتي 
ماهو انتي ياحبيبتي كده بالنسبالي
لما تغيبي بحس بخنقه
عشان انفاسي عني غايبه
اوعي ياحبيبتي تغيبي تاني
مش من حقك مادمتي عرفتي 
حتي أحاسيسي ياضي عنيا
مابحسش بيها طول مانتي بعيده
عايزك دايماً جنبي قريبه
ونفس الوقت عايز ارضيكي
ولمآ لماما ياروحي تروحي
ابقي معاكي المره الجايه
واوعي حبي يوم يغريكي
وأد ماحبك حافظي عليا