محكمه
سيادة القاضي 
يا سيدي قراقوش 
وحاميها حراميها 
حضرات المستشارين 
اللي مش مرتشين
اللي ابتدى حكايه
لابد ينهيها
وفي أول الجلسه
المحكمه. ظيطه 
وينده الحاجب
محكمه 
يامحكمه فشوش
في فشوش 
وروايه محفوظه
فين الدفاع فينه
في محاكمه الإنسان 
المسرحيه بتبتدي 
وغاب البطل فيها
وشعار العدل 
أساس الملك
علي الحيطان
منقوش 
نفس المكان
من كام سنه
نفس المحاكمه
هي الوشوش 
كام كرسي وكام طربوش
وفي آخر الجلسه
العدل ليه غايب
والحكم ليه
مغشوش
محكمه
الجلسة منصوبه
وكأنها زفه
والظلم بالغ مداه
مارد بيتخفه 
وادي قرار النيابة
بيغير الموازين
وبيقلب الدفه 
قام الوكيل
وقال مبحبش 
التدليس
المتهم خاين 
دا حتي شبه إبليس 
ودا نص دستورنا
من غير مانفتي 
لابد اقصي العقوبة 
وتتحول أوراقه 
لفضيلة المفتي 
والقاضي كان مشغول
باين معاه تليفون 
قام الدفاع خايف
والوش كان مخطوف
سيادة القاضي 
ولا حد رد عليه
قال المتهم مظلوم
لكن قدر محتوم
قرار النيابة 
ملهوش اي أساس 
نادا الولد في القفص
ايه تهمتي ياناس
صرخوا القضاه
مع بعض اسكت يابرياله 
في محكمه قرقوش 
الحكم بالاحساس
مش لازم التهمه
وبدون دليدل..
ياوله.. 
هنا الفقير
ينداس 
وبشهاده الشاهدين 
وسؤال رجال الدين
ورأى اعلامنا 
اكتملت الحبكه 
خلص الكلام
خلص الكلام 
والحكم من عابدين 
محكمه 
يادوله الاسلام 
محكمه
الحكم بعد المداوله 
وبناءآ عليه 
الحكم كان
ا
ع
د
ا
الحكم كان إعدام