اسفه اننى عرفتك / وضاع العمر فى الاوهام
ياريت فى الحلم مارسمتك / حكمت عليى بالاعدام
كسرت قلب كان حبك / ويتمنى تنام فرحان
زرعت لى شوك على دربك / ملات القلب بالاحزان
صبرت كتير على عنادك / وأقول ياصبر صبرنى
وقفت ساعات على بابك / وصدك كان يدمرنى
وابكى وحدى وسط الليل / واكتم صرخه جوايا
دموعى ابكت المناديل / ودمع يسيل بلا نهايه
اقول بكره الورود تطرح / وهاتعود لى من تانى
وقلبى باللقاء يفرح / وتمسح كل احزانى
وعقلى فى الرجوع يسرح / ويفرج عنى سجانى
ولا بتعود ولا بتسال / ويوم ورا يوم جراحى تزيد
ولما اكلمك تتقل / وانا جوايا نار بتقيد
وهدفك لمبتغاك توصل / كان الحب سيد وعبيد
كأنه ثوب ومتفصل / قماشه خيوط من التنهيد
هاقولك كلمه صدقنى / لغدرك كنت انا عارفه
ده حبك سيف ومزقنى / عايزنى ارجع ؟ انا اسفه