حاج كامل
نفسـي اتعـلم النفاق والغش
نفسـي اكـون بألف وش
خـلاص معـدتش هقـول حرام
نويت اتعـلم الفسـاد والاجــرام 
معـدتش هخـااف تانى ولا اكـش
الحاج كامل
مالك يالمبي اهدي متتنرفزش
وفكـها يابني تعـالى متقفلـش
فيه ايه احكيلي بس مطـولش
علشان ورايا سرقة تريلا وونش
اللمبى
حاج كامل من النهارده بطلت
اكلهـا بدقـه بطلـت اكلهاا بمش
اهـلا بالرشـاوي اهـلا بالفلوس
اهـلا بالهبر والمزز والكـرش
هعيش حياتي بالطول والعرض
ماهو الطيب في الزمـان دا
بقـي لا بيهـش ولا بينش
الحاج كامل
ياناس ياعالـم يااهـوووووه 
الودا حصل له ايه هارده مبيحملش
وشريحته معلقه ونسخته مبتفصلش
يابني مفيش احسن من الحـلال
اصحـي وفـوق بقـي متهبلش
وبعـدين ايه يعـني لما الفـساد
يزيـد حـوت او قــرش
صدقـني يابني 
اللـي بياكـل حـرام مبيطولش
واللي فيه طبع مبيتغيرش
يالمبي اصحي يابني متخاطرش
اللمبى
ياحاج كامل اسمعنى ومتقفلش
وف الحكـم عليا متستعجلش
سبني اخبطلي خبطه جـريئه 
وكلهـا كام يـوم نـوم عالبرش
سبنا نعيش حياتنا بقى متهللش
خليني اسكر وانسي الدنيا مره
طلمــا الحـــلال م بيسكرش
الحاج كامل
يابني جبتلي الضغط والعصبي
يالمبى فوق بقي متكابرش
اقطـع هـدومي يانااس
يابنـي متستغبـاش انا م بتحملش
عـايز تمشـى شمـال يالمـبى
ويقولوا ابن كامل حرامي فالوش
خسئت يالمبي ابعد عني متحاولش
اللمبى
ياعـم انت كـل اللـى فضلك 
علي وش الدنيا يومين بالايجار
هتعيشـهم حتي لـو جـوه النار
اهدي بقي ياعم واسمعنى مطبلش
الدنيا كلهـا عـرفت متعافـرش
ماهمـا وكلـنا قبه ومساحـه
وبيسرقونا في الجايه والراحـه
وافـق بقـي ياجـدع متتحرجمش
لا يالمبى 
احنا حالتنا صعبه اوى مبنكرش
بس احسـن من غيـرنا يابني
صدقني مبستجبنش
اخرتها نمد ايدينا ونسرق يالمبي
انت مبتخجلش
بس اسكـت ياحـاج كامـل 
ابوس ايديك متكملش
وتلعـب علـي اوتار قلـبي 
نبضى م يتحملش
اناكنت بضحك معاك كفايه متقسمش