محمود انا اسفه مش هقدر اتحمل
كبريائي بينقح عليا
ومليت ومن الصعب اكمل
علشان بتشخط فيا
محمود تصدق كل مبفكر وتأمل
واقعد مع نفسي شويه
اقـول فيـن ايام العشـق والغرام
فين ايام اللهفه الهمجيه
فين الحـب فين الشـوق والهيـام
فين قبلاتك الرومنسيه
فين نظـرات غيـرتك الإنتقـاميه
😂👍محمود😂👍
اتوكسي ،وبصي لنفسك ف المرايا
الاول ياحــوريه
زمـان كنتي حتـة شيكولاته 
كنت غزاله متحنيه
زمـان كنت مـزه كنت قـمره
ياتخينه يانكديه
😂👍 ايناس😂👍
ودلوقتي يامحمود، اي بالراحـه
هتكـسر ايـديا
😂👍 محمود😂👍
دلوقتي مبقاش لكي طعم ولا لون
وشكلك بقى زي الفرخه المشويه
وريحتك علطـول بصـل وثـوم 
ونفسـك بقى زي طشـة الملوخيه
حتى شعـرك منكوش دايمـاا
وشـويه شـويه هتنامى بالجلبيه
😉😉😉 محمود 😉😉😉😉
بقــوم من النـوم ياحيـاتي
علـى صـوت واحــده ارهـابيه
بتصحينى بحزام ناسف
وتنيمى بقنبله ذريه
نفسي اعـرف يا ايناس يامـراتى
انت ليه دايما عصبيه
هـو محـدش خلـف عيـل غيرك
وكل يوم عملالى قضيه
😂😂😂👍ايناس👍😂😂😂
بس بقى يامحمود والله انامستكفيه
كفـايه حـرام عليـك 
ارحــم حـالتى النفسيه
سـديت نفسـي عـن الاكـل 
ومحتـاجه فتح شهيه
تصدق نفسي هفـانى علي طاجـن
مسبك ، على كام حمـامه محشـيه
😂😂😂👍محمود👍😂😂😂
تعرفى انا نفسى فإيه ياحياتى
اشتغـل سـواق علـي عـربيه
وانشن عليك وافرمك
او افجــرك بطيــااره حـربيه
واروح لابوكي وانا فرحان
وادفعله ياروحى الديه
روحى كلي ياقلبي انا عارف مهما
قلت ،هتفضلى طول عمرك عناديه