غلطان ياقلبي وحقك عليا
لما حبيت بدر في السما العاليه
وده كان ياقلبي غصب عني
گان صعب ابوح وهي اغني مني
حبيبتك غنيه وبنت اصول
وياما قولتلي ياقلبي روح بوح وقول
وگانت عزة نفسي عندي وخداني
وبحبي أبوح لحبيبتي منعاني
وآخرتها ياقلبي بقيت وحداني
والقريب مني مبقاش قريب
وبقيت فالدنيا عايش وحيد
غريب من غيرقريب ولاحبيب
والوحده كتير معذباني.
وفمرار ليل ونهار معيشاني
ومن التفكير فحبيبتي بعاني
واقول يمكن تحن عليا أقداري
واعيش معاكي حبيبتي سعيد بقربك
واتهني بحياتي وانا جنبك
وهجرت كل أحبابي
ومعاهم كل أصحابي
وعايش فغربتي وحيد
بقلب مجروح وكان سعيد
ليل ونهار مع طيفه سهران
وعلطول بالي معاه حيران 
يارتني بوحت بحبي وكنت جريىء
وحافظت علي حب كتير بريىء
وقلبي كان فالحب والهوا ارتاح 
من غير الم وعذاب وجراح
ومكنتش شوفت فحياتي مرار
وياريتك ياحبيبتي ماكنتي غنيه
كان يمكن ده شجعني شويه
عشان كنت أيامها فقير
وحبيت أكون بيكي جدير
ففكرت اسافر لبلاد الغربه
وقولت أغيب فيها سنتين
اعمل فيهم ياحبيبتي قرشين
وأتجرأ واطلب لمآ أرجع ايدك
وكانت دي غلطة عمري
لما خوفت ابوح وخبيتك فنن عنيا
ولاَّ كُنت خليتك حتي تحسي بيا
لغاية مارجعت ومعايا احلامي
گان أملي اسعدك وأعوض أيامي
وجيتك ياحبيبتي ومعايا كتير فلوس
لكن يظهر إتاخرت عليكي كتير
لقيتك مشغوله بغيري وده من حقك
لأني حبيتك وخبيت عليكي اني بحبك
هرضي بنصيبي وقدري وغصب عني هتحمل بعدك. 
وهدعيلك من كل قلبي ربي يسعدك مع اللي اختاروا قلبك