حني أنتي ياأرض عليه 
مادام الكل توغل فيه 
وخلي قلبك أرحم منهم 
وغطي لحمه وكمان دفيه 
وأوعي تجوري .. ياأرض عليه 
زي الباقي. واللي جابوه 
دول عايشين بلا رحمه قلب 
وف أيديهم حربه تهري الكبد 
وتمزق أوصاله وتنهيه 
خلوه كثير يسئل نفسه 
ايه كان ذنبي لأبقى حقير. ؟
وأرتمي بلا مأوى... وينهشني الطير. 
علشان جابوني في ساعه غلطه 
وقالوا نرميه ودي أحسن فكرة 
ونرجع تاني ننام في حرير 
ونعيش في أمان من جوه قصور 
وزهور مرصوصه على الصفين 
وخدم وحشم من جيب الغير 
وكل حاجة سهله وحلوه 
والشارع لامم بلاوي الأمة 
ونقول ياحكومة فين الذمة 
طب بالذمة دي غلطه مين ؟.
غلطة حكومة ولا غلطة أمة ؟
طبعآ وأكيد دي غلطة أمة 
فيها ناس معدومة الذمة.. 
والحرام جواهم من بره وجوه ...
حني ياأرض أنتي عليه 
مادام الكل توغل فيه