ليه يادنيا بتغدري بينا
وبتفرحي دايماً بدموعنا
وليه علي طول آسيه علينا
ودموعنا مابتسبش عنينا
واحنا يادنيا ولاد ناس
وقلوبنا مليانه احساس
مليتي حياتنا هموم
والقلب ليلاتي محموم
والحزن معانا مابيسبنا
وكمان يادنيا بتظلمينا
وعلي طول بينا غداره
توقعينا في ناس مكاره
لواتعاملنا بطبعنا يخدعونا
ولو فرحناهم يزعلونا
ليه يانيا انتي كده
وليه معندانه بالشكل ده
الشريف فيك عدمان
والطيب دايماً تعبان
اوعدينا يادنيا تصالحينا
وقولي خلاص مش زعلانه
وابعدي وشوش كدابه 
وقلوب سوده عيانه
وضماير كتير عدمانه
عايشين فيكي مش عايشين
وسط بشر مش حاسين
فيهم كتير مستغلين
وبالفساد علينا مستقويين
واحنا وسطيهم مش عايزين
حاسين يادنيا ان احنا فغابه
وسط وحوش سعرانه وديابه
الإبن بيضرب ويسرق ابوه
والأخ بياكل لحم اخوه
بذمتك يادنيا إنتي دنيا
عايزين نعيش فيكي ف آمان
وعقاب شديد لو حد خان
ونقطع ايد السارق لو كان
والضمير يرجع زي زمان
دي قلوبنا لو هتبقي صافيه
اللقمه لو حاف تبقي كافيه
ولو الحب فقلوبنا لبعضينا
الخير كله هيتوزع علينا
والطمع هنلقاه بعد وفارقنا
اوعدينا يادنيا تحني وتريحينا
ونعيش كلنا في أمن وسلام
بقلوب مليانه حب واحترام